Atufang Pi Suu Kyi le U Win Myint dinhmun

Kawl ralkap in rampi cozah thuneihnak a la hnu ni 13 nakah ralkap kharhkhumtuar Daw Aung San Suu Kyi le U Win Myint dinhmun cu NLD party ṭuanvo nei U Kyi Tuu in Facebook cahmai ah a tarlang.

“Daw Aung San Suu Kyi telin Nay Pyi Taw inn number A-33 ih kharhkhumtuar minung 8 cu damcak hrisel in an um. Nay Pyi Taw inn number
A-29 ih kharhkhumtuar U Win Myint te sungkua mi 10 khal damcak hrisel in an um” tiah U Kyi Tuu cun Facebook cahmai ah a tarlang.

Kawl ralkap in February 1 ih rampi cozah thuneihnak a la hnu ah rampi thuron Daw Aung San Suu Kyi le President U Win Myint cu a kai lawk ih, tuah inn ah kharhkhum in a kilkhawi hai.

Daw Aung San Suu Kyi cu 2-Way Radio pehtlaihawknak cet Daan lo ih kol thubuai thawn taya an cuai ih U Win Myint khal rampi harhdamzung ih Covid Daan suahmi a pahbal ti`n Pukmah 25 khih in ralkap in tayacuai nak an nei a si.

Hmun hran ih kilkhawi lawkmi ramkulh, ramṭhen CM zate deuh thaw khal mah le inn cio ih kharhkhumtuar dinhmun in ralkap in a tlun ter hai nan February 10 ah a kai hai sal ih, tuah mitamsawn cu an umnak hmun khal theih an si nawn lo.

Tudinhmun tiangah ralkap in rampi thuneihnak a la hnu February 1 ihsin NLD party sungtel, palai telin ramkhel hminthang mipum 200 lenglo kaihkhih an si zo tiah BBC in a tarlang.

Leave a Reply

Your email address will not be published. Required fields are marked *

error: hahahahahaha !!