Atufang Myanmar ram ih lar zetmi Pukmah 505 (Penal Code Section 505)

Tu fang ih a lar zetmi kaih-khih nak thawn pehpar in theih ṭha a si mi Penal Code Section 505/
ရာဇသတ္ႀကီး ပုဒ္မ ၅၀၅

A hlan ahcun kum (2) tiang thawngthlak theih ti a si na’n tu ah Ralkap nih an rem sal mi a um.  Zuk – 1, 2, 3

number 1
number 2
number 3

Tu dinhmun ih Kaih-khih tuar ton a um caan ah mipi nih kan cohlang ah siseh, cohlang lo ah siseh, tu fang thu neih nak lak tu Ralkap nih an mah le feh daan (Law) thawn lai-rel a si thotho ruang ah kaa kip thu thang suah mi hi ngai le siar tengteng a ṭul ih cu mi le lawng ah ziang ti vek in an cangvai tum ti le thuhla khai-khin thiam thei nak a um ding.

Curuangah, mah ih theih duh mi le pom mi lawng thuthang siar, ngai in a tawk lo. Ralkap pawl ih an thlah mi thuthang (MRTV, MWD tel in) pawl tla paih lo cing khal ih ngai le siar a ṭul.

Thuthang kan siar, kan ngai tik ah thuthang dik a si ngaingai maw ngaingai lo ti (Khawi tawk ta Source a si, သက္ေသအေထာက္အထား Zuk, Video a um maw, zo nih a sim, a sim tu pa/nu hi zo vek a si…tvk…pawl) fimkhur zet ih hliakhlai ta a thupi zet fawn.

Mah lam ih mi kan hruai duh a si ah cun a hro ih hro awk, in tel pi lo tu le kan ruah nak in ṭawm pi lo tu pawl cu kan ral ti lam sawn si lo in a lem te ih lem awk, aw ka nem/mawi te hman a ṭul caan a um ding. Kan duh mi zuam nak hrang ah Democracy a duh lawng duh men tu si lo in Democracy ih a ken tel mi pawl nei thei zuam cih a ṭul.

Democracy ti mi cu mi va hua ding a bawh ih bawh awk lam si lo in ruahnak lungput a bang aw lo mi pawl hmun khat te ih um tlang, ṭuan tlang khawm thei hi Democracy lungput a si ti’n ka pom.

Salai Siang Cung Luai
Farṭhawk Veng, Falam

Crd: Siang Cung Luai Facebook cahmai

Leave a Reply

Your email address will not be published. Required fields are marked *