Atufang Leitlun huap Mi Lar thar Myanmar Nute

Social media ih Lar ciamco hi thil olaituk a si lo. Lar duhin paisa cemliam ih Lar tum ciamco khal an tampi nan an Lar theilo. Miṭhen a si le Lar tum hran lo nan nikhat-hnih thil thu ih Lar ciamco an um.

Lar tum hran lo nan zingkhat thil thu in Myanmar ram fala nute pakhat cu February 2 thokin a Lar ciamco.

A Lar ciamconak san cu February 1 zing i Myanmar rampi buai vutvo lai ah ziang thei loin a rak Laam dutdo ruangah a si. A Lam lai kan zoh a si le a dunglam ah rampi thuneihnak cuhtu ralkap pawl cangvutvo lai kan hmu thei.

Myanmar rammi mitamzet cun Lar tum hrimin a tuah mi a si ti`n an soisel ih cuih soiselnak pawl cu social media ah hmuh ding a tam.

Hih thuthawn pehpar in a laamtu Khing Hnin Wai cun “ka FB rualpi pawl cun zuamawknak hrang ah timlamin Laam ka zir ṭheu ti an thei ciang. Mi tihrim le miziang siarlo ruangih Laam mi a si lo. Hmin thang duh ruangih ka tuah mi khal a si lo.”

“Laam zuamawknak ding hrang ah hih hmun ih Laam ka zir ṭheunak thla 11 lai a rei zo. Cun, နေပြည်တော် cu bawi upa tamsawn tlanlennak a si tikah kiangkap ih mawṭaw sukso pawl cu pangai ah ka rak ruat men. Hivek dinhmun tiang soisel ka tuar ding ti ka theilo ruangah ka Laam lai video ka thlah mi a si” a ti ih tuhlan a Laam lai a record mi video ṭhenkhat cu a FB ah a thlah cih.

FB account Intro ih a ngan mi vek a si le amah hi Ministry of Education ih hnaṭuan a siih Physical Education saya (PE Teacher) a si.

February 1 zing ih a Laam lai video cu Leitlunhuap in a Lar ih mainstream media theguardian, latimes tvk tiangin online ah an theh darh. Atufang, Twitter ah a trending hlei ah a video share sawngtu mipum million an luan a si.

A Facebook account na zoh duh le hinah hmet : Khing Hnin Wai FB

Leave a Reply

Your email address will not be published. Required fields are marked *