Atufang Daw Aung San Suu Kyi dinhmun – Ramsung media

February 1 zing ih Myanmar rampi thuneihnak latu ralkap ih kilkhawimi rampi thuron Daw Aung San Suu Kyi cu tuini February 6 ah a voikhatnak Covid 19 vaccine an dawt tiah theih asi.

Tuizing ih thuthangsuak vek a si le Daw Aung San Suu Kyi cu a umnak a mai inn ah kilkhawi in a um tiah theih a si ih ralkap pawl in a thuahthuah in an kil ṭhepṭhep ti a si.

Ramsung media ṭhenkhat cun “hriselnak lam ah ngaihtuah ding a um lo. Adam cak ko” tiah an tarlang.

Media ṭhenkhat cun a mai` inn ah kilkhawi in a um tiah an tarlang nan BBC cun “a dinhmun le a umnak cekci theih fiang a si lo” tiah a tarlang.

“နေပြည်တော် ih kilkhawi a simi Daw Aung San Suu Kyi cu နေပြည်တော် Siizung ih ṭuanvoneitu ṭhenkhat in tuizing February 6 ah a voikhatnak Covid 19 vaccine dawtnak an va nei. Khawi hmun ah an kilkhawi ih a dinhmun ziangvek a si ti cu a fiang lo” tiah BBC cun a tarlang a si.

Daw Aung San Suu Kyi cu ralkap in rampi thuneihnak a lak hnu ah a inn ih 2-Way Radio pehtlaihawknak cet Daan lo ih kol thubuai (pukmah 8) thawn thuṭhenzung ah ralkap in an khing ih hmailam ah ziangvekin hmalaknak an nei pehzomding ti cu a fiang hrihlo a si.

Leave a Reply

Your email address will not be published. Required fields are marked *

error: hahahahahaha !!