ASEAN meeting thusuak 5 ah Mipi ih ngaipoimawh zetmi thil thupi pakhat a tel lo

Atufang Myanmar thubuai thawn pehparin ram 10 kom ASEAN hruaitu meeting ah zate lungkim in thu 5 an suah nan Myanmar mipi le CRPH ih ngai poimawh zetmi thu pakhat a tel lo.

ASEAN meeting ih hruaitu zate lungkim thusuah 5 cu

1. Ramsung ih a hraang zawng cangvaihnak titawp thluh dingin le rampumhuap pawlkom zaten theitawp suah ih supaw ding

2. Mizapi hrang remdaihnak um thei dingin khat le khat thurel tlangnak nei ding

3. ASEAN palai bomnak thawn Myanmar aiawh ASEAN palai in hmuhton thurel tlangnak hrang Lam sial ding

4. ASEAN hmalaknak thawn ramsung bomnak tawlrel ding

5. Myanmar ramsung ah ASEAN palai lut in party pawlkom hruaitu zaten tong khawm ding... tipawl an si.

ASEAN hruaitu pawl ih thusuahmi ah Myanmar mipi le mipi` thapekmi CRPH ih ngaipoimawh zetmi ram thubuai ruangih kaihkhih tuar thawngtlak thlah zalen ding timi a tel lo.

February 1 ih kumpi cozah thuneihnak latu SAC ralkap hin tuini April 25 tiangah ramkhel thiamsang mithupi le lamzawh duhphorh cangvaihnak ruangih a kaihkhihmi mipum 3000 luan an um zo.

Singapore Prime Minister Lee Hsien Loong cun meeting suak ASEAN hruaitu pawl ih dilngen nakah ram thuhla ruangih kaihkhih pawl thlah zalen ding timi a tel tiah media hnen ah a sim nan a netnak thusuah 5 ahcun a tel lo ta riar.

Cumi ruangah CRPH a lungawi lo tiah theih a si ih kiahkhihmi lakih kan hruaitu an thlah zalenlo cun ASEAN thusuah vekin thurel tlang nak ding san a um lo an ti tiah BBC in a ngan.

Leave a Reply

Your email address will not be published. Required fields are marked *