ASEAN hruaitu meeting ah US President Biden a tel ve ding

Brunei ram kaihruainak thawn ni 3 sung tuah dingmi ASEAN hruaitu meeting ah President Joe Biden a tel ding thu, AP thuthang in a tarlang.

ASEAN hruaitu pawl meeting cu October 26 ihsi thok, ni 3 sung tuah ding a si ih, hih meeting ah Kawlram thawn pehparmi thu tampi an rel ding tiah zum a si.

“Thu rel nakah US President Joe Biden in a telpi ding ih, China le Russia khal an telve ding. Hih meeting ah Myanmar thubuai poimawh deuh pawl an rel ding zum a um” tiah Associated Press (AP) cun a tarlang.

ASEAN cun Kawlram thuthawn pehpar ih thu a suah mi ralhraangbawi Min Aung Hlaing in a thlun duhlo ruangah hremnakah ti`n tuṭum meeting ah Min Aung Hlaing an sawm tello ih Myanmar aiawh in ramkhelthu thawn a pehpar lomi midang kan sawm ding tiah thu an rak suah dah.

AP ih tarlang mivek a si le ASEAN meeting ih Kawlram aiawhtu dingah Ministry of Foreign Affairs ih ṭuanvonei U Chan Aye (နိုင်ငံခြားရေးဝန်ကြီးဌာန ညွှန်ကြားရေးမှူးချုပ်) an sawm zo ti a si.

Siarbet : Ruahlopin ASEAN in SAC Ralhraang kuthnuai ih hnaṭuan meeting ah a sawm tel

Ruahlopin ASEAN in SAC Ralhraang kuthnuai ih hnaṭuan meeting ah a sawm tel

Kim ciang siar : ASEAN leaders hold summit with Myanmar’s general shut out

Leave a Reply

Your email address will not be published. Required fields are marked *