ASEAN hruaitu ṭhenkhat Kawlram ah ra tlawng tum

Myanmar thubuai thawn pehpar in ASEAN ram pawl meeting an to khawm hnu zarhngatnak, tuizarh sungah Association of Southeast Asian Nations (ASEAN) chairman le general secretary cu Myanmar ram ah rat an tum tiah Hram 3 hnenin thudongtu Reuters in a tarlang.

SAC ralhraang bawi le Myanmar ram hruaitu ṭhenkhat tong dingin an ra tum tiah theih a si ih hminthup mipakhat cun “hmunhla sukso pehtlaihawknak le thu phunphun ruangah a ni kim zik ah ṭhulh salin a ni an ṭhawn sal khal si thei” a ti.

ASEAN palai pawl in mipi cozah NUG le pawlkom dangdang ton an tum maw ti cu theih fel a si lo ih ASEAN hruaitu lam khalin siseh NUG lam khalin thuhla ziang hman an suah lo.

Myanmar thubuai thawn pehpar in ASEAN ram pawl meeting an to ṭum ah SAC ralhraangbawi Min Aung Hlaing khal a tel ih cuih ṭum ah

1. Ramsung ih a hraang zawng cangvaihnak titawp thluh dingin le rampumhuap pawlkom zaten theitawp suah ih supaw ding

2. Mizapi hrang remdaihnak um thei dingin khat le khat thurel tlangnak nei ding

3. ASEAN palai bomnak thawn Myanmar aiawh ASEAN palai in hmuhton thurel tlangnak hrang Lam sial ding

4. ASEAN hmalaknak thawn ramsung bomnak tawlrel ding

5. Myanmar ramsung ah ASEAN palai lut in party pawlkom hruaitu zaten tong khawm ding… ti`n thusuah 5 an tuah.

Leave a Reply

Your email address will not be published. Required fields are marked *