Arakan Army in Rakhine mipi ralrin pe

Rakhine ramsung ah ziangtiklai khalah doawknak a suak thei ruangah mipilam fimkhur zetih um cio dingin Arakan Army in December 10 ah thuthannak an nei.

Ralhraang SAC ralkap in thu phunphun puhmawhin Rakhine ram sungah cangvaihnak a nei hlei ah phungkitlawng ih riak khamnakin siseh, Khuami pawl ei-in phur khamnakin siseh, mipi nuntukhawsaknak an hartermi cun kaphnih karlak boruak a sosangter tiah AA thusuahmi ah an ngan tel.

Cuihtlunah, December 13 ih tuahdingmi biaknakpuai tuahnakding lamtluan ah Lamzin remṭhat phuahlam in SAC ralkap pawl umhmun an khuar ruangah sukso nakah ralring dingin mipi ralrin an pe.

AA le Kawl ralkap cu Kum 2018, December thla ihsin kum 2 zikte nasaten an doaw ih kum 2020, November thla ah camkhat hrang kaphnih remdaihnak an tuah. Cuihṭum ah raltlan 200,000 lenglo an um ih, mitamsawn cu tuini tiang an tlung hrih lo.

Tukhalah rampi dinhmun in` kan ram boruak a ti danglam vivo ih, AA le SAC ralkap lak khalah boruak danglam vivo in doawknak tiang a suak thei saal ruangah mipilam ralringten um cio dingin Arakan Army in thuthannak a nei a si.

Leave a Reply

Your email address will not be published. Required fields are marked *