An ruak te tal hmu ta lo cu supaw thei loin Nu le Pa pawl Lungkuai in an ṭap

Sagaing ramṭhen, Tamu peng ah SAC ralhraang pawl i kah that mi Mino 4 cu sungkhat unau pawl in an ruak hman hmuta man loin ralhraang pawl in an phum hlo cu, Nu le pa, sungkhat unau pawl lungkuai in an ṭap.

Ralhraang kut tuar mino 4 hi an rual le 2 thawn July 10 zaan ah khua dang ah leng in an tlung lam ah Lamlak in SAC ralhraang pawl in an rak kap mi a si ih a hmun rori ah mi 2 an thi cih.

Mi 1 cu a tlan suak ih meithal hriam tuar mi 3 cu ralhraang pawl in Tamu ah an hruai. Cunah ah mi 2 an thi bet ih pum ih meithal kap tuar mino pakhat cu July 12 sunlai hrawngah an thlah sal.

SAC ralhraang kut tuar mino 4 cu Ngam Chin Pso, Dou kho lel, Mang gou le Pao Gin Mang pawl an siih Kuki Chin miphun an si.

Miruak 4 cu ralhraang pawl in umhmun an khuar nak kiang ah an phum cih ruangah mithitu` sungte pawl cun July 13 ah ruak um lo hunserh hmangnak an nei tiah theih a si.

Siarbet : SAC ralhraang in Chin mino 2 an kap that

Leave a Reply

Your email address will not be published. Required fields are marked *