AA thawn pehzomawnak an nei tiin Tatmadaw in mi pahnih an kaai

Rakhine ramkulh, Kyaukphyu, စိုင်ခြုံ khua ih um, mi pahnih cu ralkap pawl in an kai tiah kiahtuartu sungkhat pawl cun a sim.

Mizaan ih thilthleng a siih zinglam nazi 3 hrawng ah kawl ralkap pawl cu စိုင်ခြုံ khawsung ah an lut ih khaw mi pawl cu tlaawnginn ah an ko khawm hnu ah thusutnak an nei tiin hmin phuang duhlotu khawsung mi, mi pakhat in a sim.

Amah cun, “Kawl ralkap pawl in thu an sut mi lak ihsin ဖြိုးဝင်းအောင် (kum 20) le ထွန်းမြင့်စိုး (kum 32) phone sungah rinhleh ummi kan hmu an tiih an kaai. an phone sungah AA pawl thawn phone an biakawk ṭheu nak kan hmu tiin ralkap pawl nih an kaai” tiah a sim.

ဖြိုးဝင်းအောင် nu in kafa pa cu a nauhak tuk. Hmuhtonmi experience khal zianghman a nei lo. A rualpi pawl thawn phone in an biakawṭheu cu ka thei nan AA pawl thawn pehzomawnak an neilo ruangah thlah hram dingin a dil hai tikhalin a sim bet a si.

Hi thuthawn pehparin RFA media in တပ်မတော်သတင်းမှန်ပြန်ကြားရေး ralbawi Zaw Min Thun biak an tum nan an hlawh tling lo.

Kandung June 26 khal ah Kyaukphyu, Katapee khua mi, mipum 7 pawl cu AA pawl thawn pehtleihawknak an nei a si tiin kawl ralkap pawl in an kaai dah zo a si.

ref:RFA,MN

Leave a Reply

Your email address will not be published. Required fields are marked *