A hlo nak thla 1 hrawng rei zo mi Fala nui` Nu le Pa hringhro in Paisa dil

Saklam Shan ram, Thibaw khua ih mihlo Shan fala Nang Kham Aung ih nu le pa cu zo an si ti thei lo mi pawl in kyat ting 15 thawn an fanu khul dingin an hringhro.

Mihlo Nang Kham Aung cu kum 19mi a si ih June 2 ah a rualpi tong dingin a suak hnu, tlun sal ti a nei nawn lo ih, a nu le pa in mihlo dinhmun in khawtlang mipi thu an than.

A hlo nak thlakhat rei hnu, tubaite ah hriamkai kan si tiawtu in phone thawn a nu le pa an biak ih kyat ting 15 thawn nan fa nu nan khul ding maw kan that ding ti`n an hringhro.

A unau mipakhat in “kan dung ni 2-3 luan zo ah ka pa an bia. Kawl ṭong a hmang ih ting 15 in kuat aw. Na fanu ngah sal na duh maw, na duh lo le kan that dingih Uirawl ah kan hmang ding an ti” tiah amahcun a rel.

Thuhla felfai thei duh ah atufang Nang Kham Aung um nak hmun a sut nan, zianghman a sim lo hlei ah ṭongkam sia a barh ih phone a thlak tiah amahcun a rel bet hrih.

“Phone in biak pek ah cu kan hmu sal pang ah ti`n paisa kan kuat man leuleu. Nan, a umnak hmun le tongawnak ding tivek zianghman a rel thei lo tikah mibum meimei a si ti kan thei saal. In call nak number cu 09-949-135-168 a si” a ti.

Nang Kham Aung a hlo hnu ah pehtliah nakding phone number pawl thawn online ah thuthang thlah darh a si ih, cumi thawn mihrokhrawl pawl in mi an bum tum a si thei tiah amahcun a rel bet hrih.

Shan ram khaw dangdang khalah tuhlan ah mihlo le paisa dil hringhro awknak a um rero zo ruangah ralring cio dingin khawmi pawl thu an thanaw.

Kan ram a buai thok ihsin Shan ram ah thil sual tuah le buamawknak tivek a tam sawt zet tiah Shan News in a tarlang.

Leave a Reply

Your email address will not be published. Required fields are marked *