A Ciang Zo : Ramsung Internet reekbetawknak hrangah China a cangvai thok

Kawl ralkap in Myanmar kumpi cozah thuneihnak a la hnu ah Communist party kut sungih ummi China le Myanmar ralkap hi pehtlaihawknak an nei zia a lang sinsin.

Zaanṭim lai ah China ihsin Myanmar ram ah vanzam a lut thup ṭheu ti cu kawlram mizapi in kan thei ih, atu khalah leitlunhuap pehtlaihawknak a simi internet thawn pehpar in reekbetawknak tuah dingah China cozah in kawl ralkap a bawm hai tiah thuthang a suak.

Hih thuthawn pehpar in Representative Council of the Lingnan University Students’ Union ih Chairman Nathan Law cun “Mipi zalennak humbettu kawl ralkap cozah cu internet reekbetnak tuah dingin Chinese Communist Party in a bawm hai tiah thuthang kan dong” ti`n Twitter ah a tarlang a si.

China cozah hin a ram sungah internet reekbetnak nasaten a tuah ih an ramsung hmun ṭhenkhat ah hman ngah lo dingih a phitmi website pawl cu a tanglam tavek`n an si. (HongKong le Macau telloin)

Google, Facebook, Wikipedia, Netflix, Blogspot, Instagram, Twitter, Twitch, Pornhub, Tumblr, Imgur, Dailymotion, BBC (ṭhenkhat), quora, Vimeo, The Guardian, Daily Mail, MailOnline, Breitbart News, Flickr, HuffPost, DuckDuckGo, Wall Street Journal, Reuters, Jehovah`s Witnesses website, NBC News, TIME, CBC, ABC, Apple Daily, Viber, NordVPN, The Economist, ExpressVPN, Voice of America, NBC, RFA, Al Jazeera English, Human Rights Watch …. tvk (kan theih lar deuh milawng kan run tarlang. Kimcang in na zoh duh le hinah hmet …. List of websites blocked in mainland China)

Kawl ralkap ih tawlrel rero mi Cyber Security Law a nungsuak cun Myanmar ram khalah mipi ih hmanbikmi social media website (Facebook, Twitter, Instagram tvk) le thuthang laknak website tamzet cu ramsung ah hman theih lo dingin an phit ding tiah zumnak a um a si.

Leave a Reply

Your email address will not be published. Required fields are marked *

error: hahahahahaha !!