$30 million man Ralhraang raldo vanzam bomb thawn puah siat tiah thu suah

Yangon ramṭhen, Hmawbi Air Base Headquarters ih ralhraang raldo Vanzam 2 cu caankhiah bomb hmangin People’s Force – Yangon in an puah siat thu an phuang.

February 18, zaan nazi 11 luan hrawngah Hmawbi Air Base Headquarters ah lut thupin Yak 130 vanzam 2 ah bomb an kam ih hmunhla ihsin an ti puak tiah theih a si.

Bombpuahtu le ralkap thawn naivaitu hnen ih thuthang suak dan ah Vanzam pakhat cu hman theih lo ding khawpin a siat ti a si ih, pakhattu sawn cu radar system a siat tiah an rel.

Asinan ralhraang tlangautu Zaw Min Htun cun cuvek thuhla zianghman a um lo tiah a ti. Nan, Hmawbi Air Base Headquarters ih Hram pakhat cun bomb puak an thei thu a rel ih “Vanzam pahnih in napin an siat lo” tiah a rel ve thung.

Russia ram suak, raldo vanzam Yak 130 cu pakhat ah US dollar $15 million man hrawng a si ih, a tu ah SAC ralhraang kut sungah cuvek vanzam 20 hnakih mal lo a um tiah theih a si.

Leave a Reply

Your email address will not be published. Required fields are marked *