2020 Myanmar Election result cu kan Malh fel zo – UEC chairman thar U Thein Soe

2021, February 26 : Ralkap cozah din tharmi Union Election commission le ramkhel party 50 luan thurelkhawm nakah NLD party i nehnak comi 2020 rampi election result cu ṭhiatfel a si zo thu UEC chairman ဦးသိန်းစိုး in a phuang.

UEC chairman ဦးသိန်းစိုး ih thuphuang cu meeting ih vatelvetu Myanmar National Congress chairman ဦးကောင်းမြင့်ထွဋ် in ramsung media pawl hnen ah a sim sawng sin ih “UEC chairman cun rampi thuneihnak cu ralkap ukhruainak council kut ah a um zo a ti. 2020 Election result le Hluttaw pawl khal ṭhiatfel ṭheh a si zo ti`n a phuang” tiah ဦးကောင်းမြင့်ထွဋ် cun ramsung media pawl hnen ah a sim.

Meeting ahcun 2020 Myanmar rampi hrilawknak ih vote diklo a um timi thuhla khal nasaten an rel ih vote diklo thuthawn pehpar in UEC thar in NLD party teh ziangvekin a hrem ding tivek thusutnak khal meeting kaitu pawl in an rel/sut celcel.

Cuihtlunah UEC i meeting sawmnak cohlang duhlotu party pawl cu UEC in nasaten hremnak pe tengteng dingin meeting kaitu party hruaitu pawl in UEC chairman hnen ah forhfialnak an nei.

Naypyidaw ih tuahmi UEC le rampi huap ramkhel party meeting ah USDP telin ramkhel party 53 an tel.

2020 Myanmar rampi election ih zuamvetu ramkhel party 90 luan ah UEC thar i meeting sawmnak cohlangtu party 50 luan an um ih party 30 luan in an telpi thei lo. (Irrawaddy)

Leave a Reply

Your email address will not be published. Required fields are marked *