Ṭul poimawhtuk ruangah NUG Deputy Minister Ei Thinzar Maung in a Sui Ṭhi a zuar

NUG, Duputy Minister Ei Thinzar Maung (Deputy Minister of Women, Youths and Children Affairs) in ṭulpoimawhtuk ruangah paisa a hawl tum thu, amai` FB cahmai ah a tarlang.

Khawpi sung ih a thupten cangvaitu mipi ralkap pawl hrangah a sui ṭhi Aungbali in a zuar ih, mizapi lei theih dingin ticket 1 ah Kyat 20,000 a ngen.

“Yangon ih cangvaihnak thar hrangah kyat ting 100 beisei a si ih, ticket lei cio dingin ka lo ngen hai. Kyat ting 100 a luan khalle duh um sinsin” tiah amahcun a ti.

Lei duh tu hrangah pehtlaih nak ding a tarlang cih ih, paisa fai khalin hlu a theih a ti.

Kawlram ihsin a lei duh tu hrangah kpay le wavepay thawn lei a theih. Ram dang in cu US, UK, Thailand, Singapore, Korea le Japan ram pawl ihsin lei a theih.

Lei lo pawl khal mitampi hmu thei dingin himi catar hi like pekin rak share cio uh a ti.

Leave a Reply

Your email address will not be published. Required fields are marked *