Ṭih le Khur cingin Lilawn tang ih relh pawl khal an kap that thotho

March 25 ah Kachin ramkulh, Mohnyin khua ih duhphorhnak neitu mipi pawl cu ralkap le palik pawl in hriamhrei meithal hmangin an ṭhenṭhek ih mipahnih an thi.

Mipakhat an kap that mi cu mino kaihkhih tuar pawl thlah sal dingin palik zung ah mipi in an va dil lai ah ralkap/palik pawl in meithal an hmet puak ih cumi ah a pum ah kap ngah in a nunnak a cem mi a si.

Pahnihnak an kah that mi cu မြစ်ကြီးနားနည်းပညာတက္ကသိုလ် ih ṭuanvonei tlawngta Ko Soe Naing Htun a si.

Anih hi lamzawh duhphorhnak ih telve a si ih ralkap pawl in meithal kap in mipi an ṭhenṭhek lai ah thinphang in mipahnih thawn khaw hnar lam deuh Lilawn tang ah an relh.

Ralkap pawl cun mipi pawl cu meithal thawn kap phah in peng 1 hrawng hlat tiang an dawi kual vivo. Culai ah Lilawn tang ih um Ko Soe Naing Htun le mi pahnih cu an hmusuak ih meithal thawn an kap cih. Ko Soe Naing Htun cu a nunnak a cem cih ih a relhpi mipahnih khal meithal hliam an tuar tiah Khit Thit Media in a ngan.

Leave a Reply

Your email address will not be published. Required fields are marked *