U S – Mipi hawl dingin $1 million man Sui, Ngun le Lungmankhung an phum thup

US : Michigan ih sui dawrtuah hminthang J&M Jewelers dawr neitu Johnny Perri cu a hnaṭuan ihsin cawl a tum ih a dawr ih sui, ngun, lungmankhung le thilmankhung a neih mi million 1 man pawl cu mipi hawl theih dingin leilung sungah a phum thup.

Covid – 19 buainak ah dawr ong thei loin an um ruangah hivek in thuthluknak a tuah mi a siih a dawr ih sui, ngun, lungmankhung pawl sungral ṭheh men lo dingin million 1 man sui le ngaun hawlnak “Treasure Quest” ih tel duh pawl cu mi pakhat ah paisa $50 a ngen.

Treasure Quest ih telduhtu register nakding website khal a tuah ih a website ahcun “ka hmin cu Johnny Perri a siih Washington Township Michigan ih sui, ngun, daimond le lungmankhung thil phunphun zuarnak dawr neitu ka si.”

Ka nauhak lai ihsin hivek business tuahtu ka pa ka bawm thok ih keimah ke par ah dingin business ka tuahnak kum 23 a kim zo. Himi business ah ka thinlung zaten ka pe ṭheh ih ka customer pawl hrang khalah an duhdanvek ciah in an duh mi ka tuahsak ṭheu nan, tu ah, ka tuah mi par ah ka di a riam ngaingai lo timi ka hmusuak.

Covid – 19 buainak ruangah dawr le business tamzet phitter a siih ka dawr khal a tel ve. Inn ah tuah ding thei loin ka um lai ah kum rei zetzo ihsin an hawl thokmi Forrest Fenn treasure hmutu` thuhla thuthang ka siar ngah. Cumi in kei khal idea thar ka nei ih tuvekin “Treasure Quest” ka tuahnak a si” tiin a ngan.

“Dawr ih ka neih mi lungmankhung pawl lawng siloin paisa, sui, silver, diamond le thuanthu ropi sungih telmi thilmankhung pawl khal, nan mah ih hawl hmu thei dingin, Peninsula ram taw ihsin Michigan ramsung pawl ah ka phum thup a si” tiin a ngan.

Treasure Quest cu August 1 ihsin an ṭan dingih $4,200 maan silver bars (100 ounce silver bars) phum mi hawl nakin an thok ding a si.

Daan le Duun thlun ding khal a um hnuaihni ih US ram um, Treasure Quest telveduhtu na si le himi website ah lut aw.
“Treasure Quest”

ref:USAtoday,Wiki

Leave a Reply

Your email address will not be published. Required fields are marked *