Tulai Social Media ih Lar, Mithi-Kuang Phur Phah ih Laam dutdo pawl hi zo an si?

Tulai social media ih lar mithi-kuang phurphah ih lam dutdo ṭheu pawl hi kan hmu cio ṭheu ding. An nih hi Ghana rammi an si ih an ram ahcun Nana Otafrija Pallbearing, Waiting Service lole Dada awu tin an ko.

Kum 2017 ah BBC in an thuanthu zuknung tawi a suah ih hmaton thusutnak an nei ṭum in leitlunhuap mipi ih theihthok an hlawh.

Dancing Pallbearers hotu Benjamin Aidoo

Benjamin Aidoo ih hohami pawlkom a siih mithi-kuang phur in pumcawmaw an si. Miruak vui hna an ṭuan pek ahcun laam an telh lo. Nan, mithi sungkua pawl in an duhdawtmi unau sungkhat an vui tikah lungawi diriam zetin an vui theinak dingah ti`n Laam an telh bet mi a si.

2020, March thlacem ah Youtuber “DigiNeko” in mithikuang phur phah ih an laam lai zuknung tawi cu a youtube channel ah a thlah. Cuhnu in Facebook, Youtube, Reddit le Tikkok tvk ih hnihsuak video tawi thlah ṭheu pawl in an video ah telh cih in social media ah an thlah ih a lar sinsin thok. US president Donald Trump tiang in a ramkhel ral Joe Biden kap nakah a hmang.

Mithi-kuang phur ih laam lai video cu Covid – 19 pulhnat karhzai thok ih lar mi a si vekin Caronavirus thawn pehparmi ah an hmang tam ih Brazil cozah khalin Mithikuang phur phah ih an laam lai zuk cu lamziinpi ah tar in “Inn ih um maw, Kan mah thawn laam” ti cafang tumzet ngan in mipi ralrin peknak ah an hmang a si.

Mithikuang phur ih lam lai background awnmawi cu “Astronomia” timi a siih Russia musical artist Tony Igy le Vicetone ih tum mi awnmawi a si. (wiki)

Leave a Reply

Your email address will not be published. Required fields are marked *

error: hahahahahaha !!