Tulai Social Media ih hmang larbik “F**K 12” hashtag hi ziang a si?

George Floyd thihnak thuthawn pehparawin rampicang tam zetah le US ramsung hmun tamzet ah duhphorhnak nei rero a siih Internet san a si vekin online social media khalah duhphorhnak nei mipi kan dinpi a si tiin ca tamzet tarmi kan hmu cio ding.

George Floyd thihthu thawn pehpar in Social Media ih ca an thlah mi tamsawn cu Vunrong thleidannak hi tawp thlang seh, Palik pawl in an thuneihnak hmang sual in ṭullo khalih meithal an hmannak, mikai mithat theinak license ka nei ti phungpha ih an cangvaih ṭheunak pawl hi tawp thlangseh tvk hmuh ding a tam ih cuvek ca an nganmi lakah “F**k 12” timi hashtag an hmang ṭheu.

Kandung baite hrawng ihsin “F**k 12” hashtag hi Twitter le Instagram ah a trending ih Facebook khal ah an hmang tamzet.

“F**k 12” cu ziang a si?

Urban Dictionary sung ahcun “F**k 12” ticu “F**k the police” tin a um. Zaingtik ihsin hman thok a si ticu theihcian a si lo ih “12” timi cun Drug Enforcement Agency (DEA) le Narcotics Unit pawl a khih hmuh ti khal in an sim.

Hip Hop hlafang khalah an telh ṭheu ih Gucci Mane, Offset le Hip Hop hlasak hminthang tamzet khalin an hmang.

1960 TV show ADAM – 12 khalah “12” cu palik khihhmuh nakah a hmang. Offcial in a san namhngetnak a um lo ih mi pakhat cun “1” cu 1 country, “2” cu 2 systems tinak a siih 1 country 2 systems tin a let.

Hih thu kangan duhsan cu Internet san a si vekin kan Chin mi tamzet khalin Social Media kan hmang ih mi hman mi kan hmuh tikih kan theithiam theinak dingah a si.

Mai zumhmang sim hi mualpho nakah a cang ṭheu.

Tahṭhim nakah CNN thuthang phuang, mi pakhat cun duhphorhnak neitu pawl ih “F**k 12” tiih an au mi cu “cu, na thei vekin Zaanṭim nazi 12 Curfew ding thuhla an au ciamco” tiin a let.

Leave a Reply

Your email address will not be published. Required fields are marked *