Thuanthu tawi : Tulai Mi Lar Mithi-Kuang Phur Phah ih Laam pawl hi zo an si?

Tulai internet ih lar zet mithi-kuang phurphah ih lam dutdo ṭheu gourp hi kan hmu cio ṭheu ding. An nih hi Ghana ram mi an si ih an ram ahcun Nana Otafrija Pallbearing, Waiting Service lole Dada awu tin an ko.

Dancing Pallbearers hotu Benjamin Aidoo

Kum 2017 ah BBC in an thuanthu zuknung tawi an suah ih cui` ṭum ihsin leitlun huap mipi ih theihthok an hlawh.

Benjamin Aidoo hohami pawlkom an siih mithikuang phur in pumcawmaw an si. Miruak vui hna an ṭuanpek ahcun laam an telh lo. Nan, mithi sungkua pawl in an duhdawtmi unau sungkhat an vui tikah lungawi diriam zetin an vui theinakding ruahsannak thawn Laam an telhbelh mi a si.

2020, March thlacem lam ah Youtuber “DigiNeko” in mithikuang phur phah ih an laam lai zuknung tawi cu a youtube channel ah a thlah. Cumi ni ihsin Facebook, Youtube, Reddit le Tikkok ih hnihsuak video thlah ṭheu pawl in an video ah telh cih in online ah an thlah ih a lar sinsin thok. US president Donald Trump tiang in a ramkhel ral Joe Biden thua nakah a hmang ih 11 million zohtu a nei phah hngehnge.

Covid – 19 karhzai lai ih lar an si vekin Carona nathrik thawn pehpar mi ah an hmang tam ih Brazil cozah khalin Mithikuang phur phah ih an lamlai zuk cu lamziinpi ah tar in “Inn ih um maw, Kan mah thawn laam” ti cafang thawn mipi ralrin peknak ah an hmang.

Mithikuang phur ih lam lai background awnmawi an hman mi cu “Astronomia” timi a siih Russia musical artist Tony Igy le Vicetone ih tuah mi awnmawi a si.

Leave a Reply

Your email address will not be published. Required fields are marked *