Scientists pawl in Stonehenge kiang ah a lamdang zetmi hmuhsuahnak thar nei

Kum tinten, minung 1 million hrawng ih vehvai ringring mi Stonehenge kiang ah scientis pawl in a danglam zetmi “khur” hmuhsuahnak an nei.

Stonehenge thawn a hlatnak peng 2 hrawng ih hmuhsuakmi a siih, cui khur pawl cu tuhlan kum 4500 liamzo hrawng ih laih mi siding an zum. Metre 5 hrawng thuk in 10 metre hrawng kau a siih remote-sensing technologies hmangin hmuhsuahmi a si.

Leitlun thilmaksak danglam ih telve Stonehenge thawn pehzomawnak neimi siding an zum. Khur pawl cu a hlum zawngin laih mi a si ih a sau lamah peng 1 a luan. Hlanlai minung pawl ih hmun thianghlim fehnakding, khihhmuhnak ih hman mi lole khur pawl luan ih fehlo dingih ralrin peknak ih hman mi siding khalin an zum a si.

Scientist pawl cun tu ih an hmusuah mivek khur dang khal um ding an zum nan modern development ruangah an hmuhsuak thei an ring lo.

Stonehenge cu Wiltshire, England ram ah a um ih Santhar santhuanthu ngan hlan ih rak tuahmi a si. Santhuanthu ngankhumnak neih hlan ih umzomi a si vekin zo pawl ih tuahmi a siih ziang hrang ah tuah mi a si tikhal tuni tiang theihcian a si lo.

ref:Sjournal,wiki

Leave a Reply

Your email address will not be published. Required fields are marked *