Sanitizer thawn Seconds 20 sung na Kut na cul mi, Santlainak nei lo

Covid – 19 donak dingih ralthuam ṭhabik 3 a um. Sappia thawn kuat faiten kholh, face masks bun le sanitisers hmang hi a si.

Sappia le tidai thawn kutkholhnak um loih hman a si ṭheu mi sanitizer thawn second 20 sung kut cul ding tiih zirhawkṭheu a si nan, tuahcun mi thiam pawl in second 20 sung kan kut ih kan culh mi hin coronavirus a teilo timi an hmusuak.

The Centers for Disease Control and Prevention suahmi Emerging Infectious Diseases ahcun second 30 sung, sanitizer thawn kan kut kan culh lawng ah virus pawl a ti hlo thei ti a si.

Sanitizer hmang in second 20 sung kut culding tiih kan zirh awmi zoh ciang in zirnak an neimi a siih, cu mi ih an hmuhsuak mi sanitizer hmangin seconds 30 sung kan kut kan culh lawng ah coronavirus a that thei timi an hmuhsuahmi a si.

80% ethanol telmi le 75% isopropyl telmi sanitizer hmang in zohciangnak an nei ih, research nei nakih telve, Institute of Virology and Immunology lam, PhD zirlai Ms Kratzel cun “WHO in sanitizer hman ding a ti dan hi a dik a si. Asinan kan kut ih second 30 sung kan culh lawng ah hna a ṭuan danding vekin a ṭuan thei.”

“SARS-CoV-2 lawng ah siloin kan kut ih kai ṭheu mi nathrik phun dangdang pawl khal sanitizer hmang in second 30 sung kan culh lawng ah a ṭangkai. Sinan, tidai le sappia hmang ih kut kholh a ṭhabik” tiin a sim.

Nangteh, Sanitizer hmangin second paziat sung nakut na cul ṭheu?

ref : liveScience

Leave a Reply

Your email address will not be published. Required fields are marked *