Pu Trump sak mi Ramri Hruang karlak in Magician Dynamo a lut

Leitlun huap, santhar magician lakih mi ropi pakhat a si ve mi Dyanamo cun Pu Trump sak mi US-Mexico ramri hruang karlak ih a lut lai cu online ah a thlah ih a zohtu a ti mangbang.

“Dynamo: Beyond Belief” timi, amai` TV show hrangih an zuk mi a siih Pu Trump hruang sak mi karlak in, US ram lam in Mexico ram ah a lut.

 

View this post on Instagram

 

Some exclusive behind the scenes footage of my border wall stunt. @lopezdoriga

A post shared by Dynamo Magician (@dynamomagician) on

Video rak zuk tu minung pathum khal an mang a bang zet ih a hmun rori ah feh in a lut nak cu an zoh. Video sungih a lang dan ahcun minung lut thei ding awmang a bang lo nan magician Dynamo cu olsamten a lut men.

Hih video cu April thlasung ih zuk mi a siih mizan August 21 ah online ah a thlah saal. A video a danglam tuk ruangah elawknak tiang a suak ih “satan in a bawm si ding”, “Magician hmuahhmuah lakah a ropi bik” “video edit thiam hrang ahcu a har lo pi” ti`n an zumhmang relin an elaw celcel.

 

View this post on Instagram

 

For all those getting upset because the last video was ‘edited’ – here’s the uncut version (smile, I still love ya!) 😂

A post shared by Dynamo Magician (@dynamomagician) on

Dynamo hmin ngai cu Steven Frayne (kum 37)a siih UK ram mi a si. A magic tuah dan a danglam tuk ruangah leitlun huap in a hminthang ih Queen Elizabeth rori khalin a inn ah rawl ei sawm in magic a tuahter.

A nauhak lai ihsin magic tuah paihzet a siih 2011 in 2014 tiang Dynamo: Magician Impossible timi TV show a tuah ih a hlawh tling zet.

Cumi TV show lakih mipi uar bik mi cu Thames tiva par ih a vaak lai le Brazil, Rio de Janeiro ih a zam lai a siih himi pahnih ruangah a hmin a thang sinsin.

Ziangtin Na Ruat?

Leave a Reply

Your email address will not be published. Required fields are marked *