Peru ram ih Christmas Ni hmandan Danglam

Kumkhat voikhat tuah a si mi puai picangdeuh hi Leitlun hnam tinkim deuh thaw in kan nei tlangpi ih kan hman dan a bangaw cio lo.

Peru ram Chumbivilcas Provice um pawl khalin ropi zet ih hmang ṭheumi Takanakuy timi kumkhat voikhat tuahmi puai ropi an nei.

Cuih puai cu December thla ah an hmang ih Lam le thil phunphun zuamawknak an nei. Hmaikhuh, hnipuan mawi hruk in Lamnak phunphun thawn zarhkhat sung nuam an ceen.

Takanakuy timi cu “khat le khat vuak thawi aw” tinak a siih a San vek ciah in December 25 Christmas ni ah Upa, nauhak, mipa, nunau ti um lo, a duhduh sualawk a theih.

Cuih ni ahcun khuami pawl cun inn-hnen, sungkhat, unau ti um loin kumkhat sung an par ih siatnak tuahtu, an huat mi venghnen rualpi tvk cu sualaw dingin an zuam thei.

Daan le Duun ih um cu an si nan miṭhen cun an par ih ṭhalonak tuahtu cu cozah hnen ah thlen loin an thinlung ah an khawl ih cuih thinhengnak hmuahhmuah cu Christmas ni ah an ti puakkuai thluh.

Sualawnak cu kaphnih lungkim in an tuahmi a si ih nauhak, upa, nunau, mipa ti um lo a ngamngam cu an sualaw thluh. An sualaw ṭheh hnu ah kumkhat sung an khawlmi thinhengnak hmuahhmuah cu malh terin thinlungthar thawn nithar an hmang sal a si.

Leave a Reply

Your email address will not be published. Required fields are marked *

error: hahahahahaha !!