Nupa te in Kum 6 an si lai ah an rak tongaw ziar zo mi cu kum 15 luan hnu lawng ah an theisuak

Newcastle University tlawng kailai ih hmuawthok, Heidi Parker le Ed Savitt te nupa cun kum 6 an si lai ah an rak tongaw zo ziar, pathain samhrisih dik an rak si ziar mi cu tubaite lawng ah an hmusuak.

Kum 1 tanaw ih tlawngkai an siih Heidi tlawng a ṭheh hnu ciahah Ed cu Heidi room luahnak ah a va um thar ih Ed cun a umnak room ih rak um dahtu Heidi cu Washing machine hmandan sut dingin Facebook ihsin a hawl thok ih bawmnak a dil.

A hmel ṭha nawn ruangah, Heidi cun washing machine thuhla ah ka lo bawm ding tiin Ed hnen ah a sim salih cutin thlunaw ṭan in an um tlang.

An thuanthu hin mi lung a lak zetzo ih internet ih an thuanthu thlentubik le mipi thinglung hiipbik nak cu Heidi` nu thawn zanriah an kiil tlang zaan in a thok.

Zaanriah an ei lai ah Heidi’ nu cun 1997 kum ih holiday an feh lai thu a phorhsuak ih kum 6 a si lai ih holiday an fehnak Bodrum, Turkey ah Ed timi rualpi a neih thu a sim sal. Cumi hnuin tuih Heidi tlangval cu tuhlan kum 15 luan zo, kum 6 a si lai holiday an fehnak hmun ih a zuk pimi a rualpa a si timi an thei suaksal.

Heidi cun “ka nu in zuk in kuat ih ka vun zoh ciang cu kei mai` Ed a si ti ka vun hmusuak cu umngaihnak khal ka theilo. zathal le pokkhup ih tha ka lak hnuah ka aw ṭhia phahin “ka nu hih nauhakpa hi a zo a si ti na thei maw? Kei mai` Ed rori a si hi” tiin ka nu cu ka vun ouh ih ka nu khal umngaihnak theiloin a hni ciamco” tiin a sim.

Ed khalin “miracles tihi ka zum lomi a si. Nan, himi hin kan thinlung i thlengter ih nun thar ka nei phah a si” tiin a sim.

Lai nu, Lai pa nangteh na nuntluan ah danglamce hmuhtonmi na nei maw? Danglam ce na thuanthu mipi theihter na duh le Falam Online Media Facebook page ah rak kuat aw.

ref:TheSun,Wiki

Facebook in Kan page ca hmai ihsin group pawl ih share ngahlo dingin in block ruangah Falam Online Media nganmi Tulai Thuthang, Theihkaunak, Nunthuleng le thuthang danglam tete siar duhin na facebook newsfeed ih langter naduh a sile hi nah ah ==> “Falam Online Media” hmet awla FB page ah a lo hruai dingih like pek in follow aw.

Kanlungawi F O M

Leave a Reply

Your email address will not be published. Required fields are marked *