Nitin Kan Hman mi sinan An tuahsan kan thei ciang lomi Thil Phun 9

Nitin kan hmang mi thilri lak ah hin kan ruat ngelcel dahlomi thil terueh tete tamzet a um ih cupawl lak ih mi theituk lemlomi hrekkhat kan run tarlang ding.

Bel kaihnak ih kua te
Bungbel a kaihnak zawn ih an tuah ṭheumi a kua te cu a thlainakding hrang lawng ih tuahmi ah kan ruat ṭheu. Atak ahcun soup tivek thilbeek kan suan caan ah taappi baallo dingin haite retnakding hrang khal ih an tuah mi a si.

Jean bawngbi zaalte
Peisa pia le thli tereuh tete lawng a tlem mi Jean bawngbi vorhlam tai kiangte ih zaal fate hi zianghrang ih tuahmi a si ti naruat dah maw?

Na ruatdah ngelcello khal a si men thei.

Jean bawngbi hi Jacob David le Levi Strauss in 1873 ah an tuahsuakmi a siih, vorhlam tai kiangte ih zaal fate takte cu an san lai ih hman zetmi nazi hluum paainak dingih tuahmi a si.

Jack pin
Headphone kan hmanmi a sawhnak pin zikah a ṭial tete pathum a um. Khamikha a mawinak hrangih tuahmenmi siloin hnangainak keh le vorhlam ah aw suak theinakding hrang ih tuahmi a si.

Tawh fung sawhnak kiangih Kua fate
Fuurpi ruahsuur caan lole tidai thawn daiawk ṭheumi thir cu an tlap ṭheu. Cuvekin Tawh pawl khal an tlap ṭheu ih cuvek caan ah on a har ruangah olsamten ong thei dingin sii tawihnak dingih tuahmi kua fate a si.

Cabu kap ih riin
Cabu kap ih riin an tuah mi cu Tlawng saya pawl ih hminsinnak ngannak dingih tuahmi a si. Zinghnam in cabu kap an nget tikih cangan thupi hlolonak dingin hrang khal ah an tuah cem cih tiah mi ṭhenkhat in an sim. Curuangah tuini tiang cariin umlo khallen ca an ngan tikah hmunlawng zunghnihbawk hrawng an taan ṭheu nak san a si.

Mawṭaw hmailam meter kiangih hminsinnak
Mawṭaw gas ziangzet a um lai timi langnak sungah patrol thunnak zuk le feite an tilang ṭheu.
Ziangruangah?
Mi mumaallo pawl in an mawṭaw sii thunnak khawinah lam ah a um ti an theihhngilhlonak dingin a umnak lam feiten an sawh mi a si.

Pen siin zikih kua fate
Nauhak, upa tiloin pen siin kan ṭam ṭheu ih, dawlh ngah pang in kan daang ih a tang pang a si le thawthawt thei dingin a siin ah a kua fate takte an tuahnak a si.

Bag hmailam ih kua fate
Bag hmailam ah kuahnih um mi kan hmu ṭheu ding. Atlangpin khualtlawng nakih pai theihhmi bag ah hmu ding a tam. Cumicu thil khainak dingih tuah mi a siih buut a hri thawn khainak ah hman a rem zet.

Bakilh
Samkilhnak ih kan hman ṭheumi bakilh fate khi a bo hruthri um nak khi a tlun sawn ah kan ret ih a ngilnak sawn tanglam ah kan kilh ṭheu.

Atak ahcun a bol hruthri umnak lam khi a tang sawn ah hman ding a si. Luvun le sam daiawlo dingin an tuahmi a si tiah an sim ih a hmang ṭhangtu cun a bol umnaklam, tangta ah hmang le a hman a nuam deuh an ti.

Hram: The Verge

Leave a Reply

Your email address will not be published. Required fields are marked *

error: hahahahahaha !!