Nauhak tisa cakhiarnak lungput nei mi hawlsuaktu Artificial Intelligence “Sweetie”

Nauhak kumkimlo tisa cakhiarnak lungput neitu misual hawlnak hrang ih tuahsuakmi Computer model artificial intelligence (AI) Sweetie cun hna a ṭuan thok hnu zarh 10 sungah online ih kumkimlo nauhak hawltu misual 1000 leng a kai suak.

Sweetie cu children’s rights organization Terre des hommes tawlrelnak ih tuahsuak mi AI a siih Philippines nauhak kum 10 mi bang ding ih tuah mi a si.

A hnaṭuan cu online chat room ah Nauhak kumkimlo tisa cakhiarnak lungput neitu hawlsuak hi a siih online ih mi a biak tikah kum 10 mi nunau ngaingai vekin a biak hai.

Leitlun huap in hna a ṭuan ih a hnaṭuan sung zarh 10 sungah thinlung thianglo ih a biaktu mipum 20,000 lenglo an um. Cumi lakin minung 1000 hrawng cun paisa pek in camera hmai ah taklawng ih um dingin an biak.

Paisa pek in taklawng ih a um lai zohduhtu lakah US rammi mipum 254, UK rammi 110 le India rammi 103 pawl an tel a si.

Misual pawl cu an hman mi Skype le social media hmang in zo an si timi zingzoinak an nei suak hnu ah ṭuanvoneitu pawl cun an umnak hmun, ram palik hnen ah simthannak an nei.

Sweetie boruak haisuakmi ih misual kaihkhih hmaisabik cu February 2014, Brisbane, Australia ram ah a si.

Sweetie hnaṭuan mi hi a hlawhtling zet nan hivek hnaṭuan cu European Cybercrime Centre lam ih ṭuan ding mi a si ti`n cozah lam in thusuahnak an nei ruangah Sweetie project cu zarh hra an ṭuan hnu ah an ti tawp a si.

Leave a Reply

Your email address will not be published. Required fields are marked *