Myanmar ram telin Leitlun ramtinkim ih Thlaicii ret him khawmnak Svalbard Global Seed Vault

Kan umnak Leilungpi hi siatlam a pan vivo ih nikhua boruak umdan khal a tlengaw cak zet. Boruak ihsin lungtum tlaknak in maw, Linghninnak tilik tho in maw, rinlolai ah siatralnak rapthlak tong thei kan si ih nuclear ralpi khal tho thei ringring dinhmun a si.

Cuvek siatralnak kan tong tikah kan hrang ih thupibik pakhat a si mi Thlaihnah Thlaicii pawl siatral in a cii mit thei dinhmun a si.

Curuangah Scientists pawl in Leitlun ramtinkim ih Thlaicii pawl ret him nakding an tawlrel ih Norway ram, Spitsbergen tikulh Arctic Vur lak ah Inn him pi pakhat an sak.

Svalbard Global Seed Vault umnak Spitsbergen tikulh

Cuih innpi cu North Pole thawn km 1200 hrawng hlatnak ah saksuak a si ih a hmin ah Svalbard Global Seed Vault tiah an ko ih Svalbard Doomday Vault tikhalin an ko ṭheu.

Leitlun ramtin hin ramsungsuak Thlaicii backup retnak kan nei cio nan Svalbard Global Seed Vault vekin a him lo. (Syria ram ta Thlaicii retnak gene bank cu ISIS ralhrang pawl in an rak siat dah) Cuvek dinhmun kan thleng leh pangah timi ruahnak thawn Svalbard Global Seed Vault cu saksuakmi a siih a sak man US$8.8 million cu Norway cozahpi in a tum thluh a si.

Svalbard Global Seed Vault umdan
Svalbard Global Seed Vault sunglam Thlaicii retnak

Kum 2008 ishin hmanthokmi Svalbard Global Seed Vault cu Norway cozah, Crop Trust le Nordic Genetic Resource Center lungkim hminkhentlangnak thawn finkhawimi a si ih Tlangpuk virh in Lei sung ih sak mi a si. Asaulam ah ft 427 hrawng a siih tu dinhmun tiang Thlaicii million khat luan an ret ṭha zo a si.

Ṭuanvonei lobak a sung luh an siang lo ih Thlaicii ret mi pawl cu kum Thawngtel awh dingin −18 °C dai ah an ret ih tulai technology hmangin an kilkhawi. (ethuthang repost)

Leave a Reply

Your email address will not be published. Required fields are marked *