Leitlun Hmun tam zet ah Tawtarawt phaw mi vek AwnThawm A Thang

1824 kum lam ihsin an buaipi thok zo mi, a suak nak hmun theih a si lo mi Tawtarawt tum awn vek thawngvang cu Lietlun hmun tamzet ah an thei.

Hih thawmvang cu Skyquake (Van Linghnin) ti`n an ko ih a awn theitu pawl cun Van lam ihsin a suak mi thawmvang vekin an rel.

“Cannon kap awn, tawtarawt phaw mi awn vek a siih a caancaan ah inn khal a ti tlir phah’ ti`n thawmvang theitu pawl thawn thu rel tlang nak neidahtu The Guardian in a rak ngan dah.

Sound lam ih thiamsang pawl khal in zingzoinak an nei rero nan tui` ni tiang a suak nak ding awm ang khihhmuh ding an thei hrih lo.

Mithiam ṭhenkhat cun Thir le Steel tivek tuahtu company tumzet pawl ih thawmvang a si ding an ti nan Covid 19 boruak ih hnaṭuan cawlh thluh lai khal ah a thawmvang a suak thotho. 2020 kum sungih thawmvang an theih nak hmun pawl cu 11 April 2020 ah Jakarta, West Java, Brazil, Uruguay, 23 April 2020 ah Tampico, Mexico, May 11 2020 ah Central Java, May 21 2020 ah Bandung, West Java pawl ah an si.

Thawmvang an thei nak hmun ṭhenkhat

Cun, India, UK, Canada, US, Japan, Australia, Italy, Ireland, Netherland, Norway, Argintina ram pawl khal ah Skyquake thawmvang an thei ṭheu a si.

Skyquake thawmvang thawn pehpar in zingzoinak neitu, Scotland ram ih sound engineer/scientist pakhat cun, “record an nei hmaisabik ṭum cu 1824 kum, Adriatic tikulh ah a si. 1896 kum khal ah Florida, Franklinville, New York le northern Georgia umi pawl in a awn an thei ih an thin phang ngaingai.

“Ṭhal, nikhua ṭha, van fai zet lai khal ah ṭektlak awn vek deuh in a suak ṭheu. A caan le tawtarawt awn a bang. A caan le cannon boom kap mi awn vekin a thawm ih a thawmvang cun pakan, khuat, le haite tivek khal tlir terin a awn ter thei. US-Canada ramri ih um pawl tla cun lung a mit ter. Motor sung tivek ih kan um le a luar cuang an ti” ti`n a sim.

North America ih Thawmvang an thei nak hmun ṭhenkhat

North America ih mirang pawl an thleng pek lai ah, ram neitu native Haudenosaunee pawl cun “Thlarau thianghlim in Leilungpi pianhmang a rem rero mi thawmvang a si” tiah mirang pawl hnen ah an rak sim ih, thuanthu vekih an ngan mi Skyquake thuhla cabu khal an suah tamzet zo.

Mithiamsang pawl in simfiahnak an nei ṭheu nan kutzung khih rorin sim theitu, tuni tiang an um hrih lo ih, Biaknak lam ih pumpeaw, mi ṭhenkhat cun Bible sungih um bangin Caan a cem zik thlang ruangah Vancungmi pawl in ralring dingin Tawtarawt an phaw mi a si an ti.

Leave a Reply

Your email address will not be published. Required fields are marked *

error: hahahahahaha !!