Lehpannak danglam Extrerm Ironing (Sport)

Lehpannak (sport) na thei mi paziat a um lo ti bangsehla ziangzet na sim thei ding? Kan sim tam thei ding zum a um lemlo. Football, Tennis, Table tennis, Basketball tvp kan mah lek thei cin lawng kan thei tlang hai ding zum a um.

Kum 2003, World Sports Encyclopedia ih hminsin cangan khum nak ahcun lehpannak phun 8000 a um ti a si. Cuih pawl lak ih danglam ve pakhat cu Extrerm Ironing lehpannak hi a si.

Kum 1997, Leicester, England ih um Phil Shaw hmuanduum ihsin thok mi lehpannak a si.

Phil Shaw cun hnipuan hnawt tluang ding telin hnaṭuan ding tamzet a nei ih zaamlam ah le tlang par a kai duh fawn tikah tingaihnak thei loin a hnipuan le puanhnawtnak iron cu a keng ih tlangpar kai phah a hnawt cih. Cuih ni ihsin Exterm Ironing lehpannak cu a piang.

A phuah mi lehpannak cu ramdang khal ih lar ding in a duh ruangah United States, Fiji, New Zealand, Australia le South Africa ram pawl ah feh in thehlarnak a nei.

New Zealand ram ih a um lai ah German tourists pawl thawn an tongaw ih an peih zawng a rak si ngelcel ruangah ṭuan tlang ding lungkimnak nei in “Extreme Ironing International” an din suah.

Cuih ni ihsin kham tlang, ti sung, boruak par, lamziinlai tivek ah harsa zet cing ih hnipuan tluang ko hnawt thei biktu siding zuamawknak lehpannak cu a lar thok.

Extrerm Ironing lehpannak ah offcial record thar nei hmaisabik cu John Roberts le Ben Gibbons (2003) an
siih Everest tlangpar sea level 5440 metres ah Union Jack hnawt tluangnak an nei mi in record thar an nei hmaisabik a si.

ANTtv

Leave a Reply

Your email address will not be published. Required fields are marked *

error: hahahahahaha !!