Khualtlawng sukso vehvaitu neitamzet Leitlun Sam saubik Khua

Leitlun samsaubik Khua ti`n Guinness World Record ih hminsin a simi Huangluo Khua cu China ram ah a um ih Yao phunhman umnak khua a si.

Misen/TaksaSen miphun tikhalih koh mi Yao miphun cu an pupa phunhnam daan thlun in nunau pawl in an sam an zuat sau ih an damsung ah voihnih lawng sam an tan.

Sam sau cu damsaunak le ṭhansonak/lennak thawn a pehpar aw tiih zumnak an nei ruangah an sentet lai in sam an zuat ih ni zakhat an kim ni (Thla 3 le ni malte) le kum 18 an kim ah Pupa daan vekin sam an tan. An sam tan mi cu retṭha in Fa an nei hnu ah fa neizo ka si timi langternak ah lupawng bangin an sam ah an pawng telcih.

Sampawng dan ciithum an nei ih fala pawl cun puan thawn an tuam. Fa neilo inn-sang-nu pawl cun an ti per ih Fa neizo pawl cun an ti hluum.

Sam an kholh tikah mi hnihkhat cun dawr ih zuarmi Lukholhnak an hmang nan mitamsawn cun an Pupa daan kel ten Buh ti le thil kung fate ciah mi cu shampoo ah an hmang.

Zirzoinak ih hmuhsuahmi ah, Huangluo khua ih innkhi 60 hrawng ahhin tuahcawp a si lo mi meter 1 Sam dum sau nunau 60 hrawng an um ti a siih 1.7 meter hi a sau bik a si.

Yao miphun cu Vietnam ram khal ah an um nan Sam zuatsau phunhnam cu Huangluo Khua ah an um tambik a si.


Hram:ChinaDiscovery

Leave a Reply

Your email address will not be published. Required fields are marked *