Japan ram Internet Dawr Riahbuk ih Hmang cih “Net Cafe Refugees”

Japan ram ih Inn le lo neilo, permanent address neilo, Inn khal hlanglo in Internet dawr, riahnak ih hmang pawl khi Net Cafe refugees lole Cyber-homeless tiin an ko.

Ahlan ahcun Internet dawr ih riakcih pawl cu dawr neitu in internet service lawng an retsak/hmangter nan, a hmangtu mipi an tam vivo ruangah dawr ṭhenkhat cun ei le in, tikholhnak tiang an tawlrel sak.

Zuri ruangih Inn tlung theilo, Tlangleng to khelhlo tvp in a laang ih riahnak tivekih hmang ṭheumi a si nan, tu ahcun permanent ih umtu an tam thlang.

Tokyo khawsung ah Inn le lo neilo (homeless) minung 5000 luan hrawng an um ih cumi lak ih 4000 hrawng cu Net Cafe refugees an si. Atangmi 1000 hrawng cu lamziinkap, lilawn tang tivek ih riak ṭheu an si.

Japan cozah in researh nak a nei ih a hmuhsuak mi ah Tokyo khawsung internet dawr ih riak ṭheu cu zaan khat ah mipum 15000 hrawng an kim ti a si.

A tamsawn cu hnaṭuannak ihsin tlung tlai, zuri ruangih tlung theilo pawl an siih, cu lo cu, Inn le lo neilo, hnaṭuan mumal neilo le nica ih hnaṭuan pawl an si.

Permanent ih umcih tamsawn cu Internet hmang duh ruangah siloin Apartment hlang man, hotel zaan riah man hnakin a man olsawn ruangih um an si.

Zaan khat riak man ah ¥1400-¥2400 yen hrawng an ngen ih dawr ṭhenkhat ahcun softdrink a lak in an pe cih. Hnaṭuan hawlnak hrang ih resume an ngan a si khalle an umnak internet dawr address an hmang.

Game lek duh ruangih permanent ih um khal an um ih kum 4-5 sung hlo zo, sungkhat unau in a thi zo hmang ih an ruat mi khal game lek duh ruangah hih hmun ah relh in permanent ih umtu mino khal an um a si..

ref:wiki,reddit

Leave a Reply

Your email address will not be published. Required fields are marked *