Hmunṭhing Ramcaar lak ih Thir Tawtarawt danglam

US : Hmunṭhing ramcaar Mojave Desert lai takih thir Tawtarawt cun a hmutu a ti mangbang.

Zoi` bun mi a si? ziangah minung umlonak ramcaar lailak takah a um thiam? ziang hrang ah an bun si pei? tiah a hmutu pawl cu an mang a bang zet.

Tlangpuk feet 100 hrawng sang nakih Thir Tawtarawt cu lungto sungah hnget zetih phun/hren mi a siih feet 8 hrawng sau in 200 kilograms hrawng a rit ding an zum.

A hmutu Khualtlawng vaksukso le historian pawl in a kiangkap ah Tawtarawt hman nak ding awmang, a pehzom awnak thilri awmang an hawl ṭheu nan tuni tiang an hmu hrih lo.

A umnak san zumhmang simtu khal an um ruri nan a hmutu diriam ko ih simfiah thei an um hrih lo. An sim mi lakih awmang bik cu “US cozah in boom, meithal, chemical gas ralthuam tivek an test zik tikih a kiangkap ih um pawl ralrin peknak ah an hmang mi siding” ti a si. Asinan US cozah lam cun an simfiang duh lo.

LungtThir Tawtarawt cu southeastern California le southern Nevada karlak hmunṭhing ramcaar “Mojave Desert” ah a um ih 47,877 sq mile hrawng in a kau.

Google Earth Map le Google searh hmangin na zoh duh a si le latitude le longitude 35° 0’19.44″N 116° 11’47.04″W hmangin hawl aw la “megaphone” ti`n na hmu ding.

Leave a Reply

Your email address will not be published. Required fields are marked *