Fast food ei ringring tu hnakin Thingtheirah ei ṭheu tu Nau pai olsawn

Zarhkhat ah fast food ei-in voili hnakih tam eitu nunau cu harhdamnak thawn milaw dingih rawl ei tu nunau hnakin nau an pai har cuang timi cu Australia mifim pawl in an hmusuak.

Australia mithiamsang pawl in University of Adelaide ih research an tuahnak ah an hmusuak mi a siih nikhat ah thingthei voithum ei pawl hnakin thla khat ah thingthei voikhat ei pawl in zarh hnih/thum tlai in nau an pai ti a si.

Australia, New Zealand, Ireland le England mi mipum 5500 luan zohhliah in kum 7 sung zirnak an nei ih fast food rawl ei ringring pawl hnakin thingthei ei ṭheu tu pawl in nau an pai olsawn hlei ah naute khal a hreisel sawn timi an hmusuak.

Nau pai tamzet cu an ei-in ṭheu mi pawl an sut ih fast food (burgers, fried chicken, tacos, pizza le fries dangdang) ei ṭheu pawl cu thingthei ei ringring pawl hnakin zarh thum tlai ah nau an pai tiah Human Reproduction journal ah an suah ih fast food ih telmi acid in nunau tii (egg cells) a tisiat ruangah nau an pai har mi siding an zum thu khal an phuang.

(repost)

Leave a Reply

Your email address will not be published. Required fields are marked *