Facebook hin ziangtin Thuthang diklo A Phorh Suak?
Kum 2004 ih dinmi Facebook cu a ninii in a hmangtu an tam vivo ih thuthang diklo thlahtu khal an pung vivo. Curuangah Facebook company cun a mah ten thuthang diklo a hawl cawk nawnlo ih Kum 2016 ihsin Third party fact-checker a hmang thok.
Tu ah, Facebook cu rinsantlak International Fact-checking Network (IFCN) certified mi leitlunhuap fact-check pawlkom 60 thawn hna an ṭuan tlang ih Facebook hmangtu ṭongciidang phun 50 lenglo an fingkhawi.
Cupawl cu Facebook algorithms thawn hna an ṭuan tlang ih Facebook ih thlah mi thuthang diklo an phorhsuak.
While trust in mainstream media is low, trust in fact-checking organizations is relatively strong. But this level of confidence is nowhere near as high as fact-checkers want it to be. That’s why @factchecknet reviewed its code of principles 👉 https://t.co/QgOiPERUT5 pic.twitter.com/c6Y0Xgbdll
— International Fact-Checking Network (@factchecknet) April 15, 2020
Facebook hmangtu tamzetin thuthang diklo tiih hminsinnak an pek mi pawl cu Fact-checker in zohciangnak an nei. Facebook ih cetfim khal in ca post lar cuangmi, zumumlo tiih comment neitam cuang thuthang tvk hawlkhawm in fact checker pawl ih zohciang dingin a hrilsuak.
Cutin, Facebook cu rinsantlak fact-checker pawl ih zohciang hminsinnak an nei mi information par ah a hngetaw ih fact-check tu in thuthang diklo a timi cu a diklo nak san hminsinnak langter in thuthang diklo post mi tangah hminsinnak a khen a si.
Fact check tu in thuthang zohciangnak a nei mi cu “false,” “party false,” “false headline,” le “true” ti`n hminsinnak a nei ih, Facebook cun cumi zirin hmalaknak a nei. Thuthang diklo cu Facebook hmangtu in an share tikah theihter hminsinnak in siseh, thuthangdiklo post mi tang ah a diklonaksan langter in lole a besia tuk mi cu delete nak in siseh, Facebook cun hmalaknak a nei a si.
Nikhat ah active user 1 billion luan neitu Facebook company ah full-time ih hnaṭuan mipum 44,942 hrawng lawng an um ruangah le a hmangtu an tamtuk ruangah thuthang diklo hi duhvekin hminsinnak an khen lohli theilo ruangah Facebook hin thuthang diklo a karh ter zet tiah Human Right hnaṭuan pawl cun Facebook an sawisel a si.
Na thei dah ngelcel maw?
Thlakhat ah Facebook active users 2.70 billion an um ih zaṭek 1.7% cu Desktop active users an si ih 2.56 billion cu Mobile active users an si.
Nikhat ah active users 1.79 billion an um ih mobile active users 1.59 billion an kim.
Nunau Facebook hmangtu 1.19 billion an si ih mipa cu 1.51 billion an si. Mipa zaṭek 19.3 le nunau zaṭek 13.2 cu kum 25 in kum 34 karlak an si.
Nitin, Facebook hmangtu zaṭek 90 zik hrawng cu US le Canada ramleng in an si.
Leitlunhuap Facebook hmangtambik ram cu India (270 million) a siih a sangtu ah US (190 million) ram an si.
Zuk upload mi – nazi pakhat ah 14.58 million, minute khat ah 243,000, second khat ah 4,000. Nikhat ah Facebook ih zuk upload mi 350 million a kim.
Facebook ah fake user 120 million an um.
Atlangpin, mipakhat in nikhat ah 38 minute sung Facebook a hmang.
Facebook hi ṭongciidang 101 ah an tuah ih ṭonglet bawmtu user 300,000 an kim.
Facebook hi $139,691 billion a man ih Kum 2019 kum cem report ah full-time ih hnaṭuantu 44,942 an um .
So far during giving season, 1.9 million people have started or donated to a fundraiser on Facebook and Instagram, raising $135 million for COVID relief, education, medical research and more.
A huge thanks to everyone making a difference and giving back around the world. ❤️ pic.twitter.com/kSiuDi9wH5
— Facebook (@Facebook) December 2, 2020
Hram:ITPOST
