Emojis hmang uar pawl hi Nupa sinak hmang tam pawl an si

Message (Cakuat) kuat tikih Emojis hmang uar zet pawl hi nupa sinak hmang tam pawl an si tiin zirfiangtu pawl in an hmusuak.

Emojis hi duhdawtnak ṭong a rak si ih leilung tlun ah ṭong thangso cak bik a si. Asinan Duhdawtnak ṭong a si ti cu na thei kher lo men thei.

Thu thar zirsuahmi ah cun emojis hmang uar pawl hi fala/tlangval date le nupa sinak hmanpi timi thawn pehtlaihnak a nei ti a si.

Kumpi kumkhat sungah Zirtu pawl in Kinsey Institute (Indiana University) ih mi 5,000 lenglo emojis hmangtu pawl hi fala/tlangval komawknak le nupa sinak hman thu an zirciannak ih an hmuhsuahmi cu Emojis hmang uar pawl cu fala/tlang date ih an feh caan ah hnamawk le nupa sinak hmang lole an kopaw thei cih ti a si. An hmuhsuah theimi cu koppi (fala/tlangval) thawn pehtlaihawknak ah Emoji hman hin tonawk hmaisa bik ihsin a nehhnu tiang, romantic zetnak le nupa kopawknak hlawhtling pehtlaihnak tha nei ding kha a bawm thei ti a si.

Curuangah Emoji hman hi fala/tlangval duhawmi pawl pehtlaiawknak ih hman tik ah thinlung ruahnak ah umze thuk zet a nei thei ih, tongkam ih relsuah theilomi tiangin simfiang theitu a si. Zirciannak ah hin Emoji lakah a khawimi emojis so an tangkaipimi ti pawl cu tarlan a si lo. (Mirror, Lettu Judith)

Leave a Reply

Your email address will not be published. Required fields are marked *