Brazil ram ih Zuk bang nawn an hmu mi cun Online ah thu elawknak a suakter

Thingtanmi sungih danglamzet, zuk vek deuh lang mi cun Brazil ram online ah thu elawknak a suakter.

Kandung tlawngkai ni 4, Brazil, Itaquiraí khua siipin pawl ih thingtannak ah an hmusuak mi a siih, thingtantu pawl khal an mang a bang zet.

Thingtannak ih telvetu cozah hnaṭuan Odimar Souza in zuk vek deuh nawn a lang mi thingtan cu inn ah a tlun ih a zuk hnu ah online ah “thing kan tan lai ah ka rualpa in phengphelep vek nawn thil a hmu ih thing kan tan suak hlan ah kan hman mi hluah (Chainsaw) a kiak. Athar kan bun ih kan tan suak tikah a sung ah hivek zuk a um” tiin an hmuh tonmi ca tawite thawn a tar.

Zuk a tar mi cu Brazil ram social media ah a lar ih a hmutu pawl in an hmuhdan a phunphun in a rel.

DCIM109GOPRO

Mi pakhat in “Larawknak pakhat a si. Bible siar aw la na thei ding”. Pakhat in “thil ziangkim ah Pathian hmuaihmel a lang”, “thil neh langmi men si. zianghman si lo” tiin a phunphun in an hmuhdan an ngan.

Asinan biologist expert Fabiano Izidoro cun “hivek thil cu simfiah theidan a phunphun in a um. A kheunak hmun ih zir khal a si. A keu ṭhanglian lai ah a cell siatnak ruangah khal a si thei. Lole, a kiangkap ih chemical elements a hiip nak ruangah khal a si thei. Curuangah thingkung nan tannak hmun ih leiram umdan pawl zoh sehla simfiang a olbik ding” tiin a sim.

Brazil ram ah hivek, Pathian hmuaihmel vek dueh lang mi thiri thuhla elawknak a suak thei zet ih, Fabiano Izidoro cun “mero kan zoh tikah kan mitthlam ih um mi zuk vek ciah ka suak terthei vekin thilri pawl khalah kan duh mi, kan thluak ih ruat mi zuk ka hmu thei ve a si” tiin a sim.

Nangteh zingtin na zum?

ref:reddit

Leave a Reply

Your email address will not be published. Required fields are marked *