A Hmui, Thlum zawngin “PA” ni Hmangaw

Tu ni in, ka pa`n in thih sannak kum 11 a kim. Kum 9 sung rori mitthli canghnap thawn ka nupi, fa le hmai ah Pa`i ni ka hmang. Rualpi pawl ih pa sunlawinak zuk/ca an tarmi Facebook cahmai ka hmu cun ka lung a zur sinsin ṭheu.

Nan, ka pa thihnak kum 10 a kim ni ihsin riahsia nihang in Pa`i ni ka hmang ṭheu mi cu ka tawp. Ka pa ka duhdawt nawnlo, ka theih hngilh ruangah si lo. Khuaitizu, pangpar hmui bang ka pa`i duhdawtnak cu a hmui, thlum zawngin ka hmang sawn ruangah a si.

Pa`i ni Ziangtin ka hmang?

-Ka pa hngilhlo nakah thingkung ka cing. A hmin hmangin mi harsa pawl ka bawm. Ka hngilh thei lomi i duhdawtnak pawl cu CA in ka ngan.

-Dawr ih an zuarmi cahnah mawi ka lei ih ka lung sung ih ummi hmuahhmuah, cui ca par ah ka ngan. ka zal ah pai in varanda ah ka feh ih ka tha nei hmuahhmuah suah in ka au hnu ah ka pa hnen ah ka kuat.

-Ka pa khawm ṭheunak biakinn ah ka feh ih a to ṭheu nakah khuk bilin thla ka cam.

-Ka sentet laiih in sim ṭheumi thuanthu pawl cu ka fa le hnen ah ka sim sal.

-Ka pa rualpi ṭha pawl rawl ei ka sawm ih ka pa`i thatnak thuanthu kan rel tlang.

“PA” ni, football zoh ding ih kan feh lai, motor pahnak ruangih in thih santu ka pa thih ni ihsin kum 9 sung cu rehsia lungkuai in “Pa`i ni ka hmang ṭheu nan, kum 10 kim ni ihsin ka pa in liam san ni, “Pa`i ni cu a hmui zawng ih hman ka thiam ta a si.

Neil Diamond

Leave a Reply

Your email address will not be published. Required fields are marked *