A Fala Ṭhit dilnak Ca ngan dingin Peng 4451 hlat ah Khual a tlawng

Khawsik, Nisa tuar tlang in damsung umpiding innsangnu ṭhit dingin, tlangval pawl in ṭhitdilnak a phunphun in an tawlrel ṭheu ih, Japan pai` ṭhitdil tawlrelnak cu tuni tiang zo hman in an tluk thei hrih lo.

Ṭhitdiltu` hmin cu Yassan (Yasushi Takahashi) a siih Japan ram mi a si. 2010 ah a fala tansan in peng 4451 hlat nakah khual a tlawng. A fala hnen ah ziang ka tuah ding ti khal a sim lo.

Map zohnak GPS keng in Japan ramsung hmun tamzet ah ke, motor, bicycle, ferry hmang in a vak vivo ih a vaknak hmun pawl cu GPS hmang in a hminsin/record vivo. A fala ṭhitdil tumin “Marry me” timi ngan ding ah peng 4451 hlat rori ah khual a tlawng.

Cangan a ṭheh hnu, thla 6 hnu ah a tlungsaal ih a fehnak hmun ih a record mi data pawl cu Google maps ah a download ih, zuk ih kan hmu vekin “Marry Me” ti`n a suak. A fala khal in damsung innsangpa si dingin lungawi zetin a cohlang.

“Marry me” tiih a ngan mi khal cu Guinness World Record sung ah “world’s largest GPS drawing” ti`n an hminsin a si.

Leave a Reply

Your email address will not be published. Required fields are marked *