Ralring : Ralhraang ralkap Special Operation ṭan thok thlang
Chinram telin ramsung Tlangpar hrimkai tha cak deuh nak hmun pawl cu vansang kahdonak nasaten tuah dingin ralhraang ralkap timlamnak a nei tiah February thla thok lam ihsin thu a puut darh mi cu a tu ah a takin a cang thok thlang.
Mizaan, February 14 ihsin cangvai thok a si ih Chinram, Thantlang telin Tlangpar hriamkai pawl cangvainak hmun ah bomb nasaten an thlak tiah theih a si.
Hitiih Tlangpar hrimkai pawl a hranten an bat nak san cu Dothlengnak mipi ralkap semsuahtu le thazang petu an si tiah ruahhmangnak a um ruangah a si ih a ṭo nak hrampi kan bot cat cun rei a nung thei lo ding tiah ruahnak an nei ti`n ralhraang lam ihsin thuthang puutdarh tertu mipakhat in ramsung media hnen ah a sim.
Ralhraang thuthup puutdarhtertu rel dan ah CNA le CDF hrambunnak hmunram siseh, KIA ralkap umnak Kachin ram Headquater pi, KNU umnak Kayin ram hmun thupi pawl le KNDF telin Karenni ralkap hmunram tipawl bat cuang an tum ih, cuih hmun pawl ah vansang kahdonak Special Operation tuahin bomb nasaten thlak an tum ti a si.
Cuhlei ah kan dung bai khua 37 ih Martial Law an phuang nak san khal cu special operation hrang lamzin an sial cia mi a si ih cuih hmun ih mipi ralkap pawl a hram rorin hloter dingin tumtahnak an nei tiah thu puut tertu cun a rel bet hrih.
Ralhraang Special Operation hrang hmalaktuding ah raldonak vanzam Yak-130 ၊ Su-30၊ FTC 2000 G ၊ A-5 tipawl hmang dingin timlamnak neih a si ih, cuih vanzam pawl hram an khuar ter nak hmun cu နေပြည်တော်အေလာလေတပ်၊ ရန်ကုန်မှော်ဘီလေတပ်၊ ပုသိမ်လေတပ်၊ မကွေးလေတပ်၊ တံတားဦးလေတပ်၊ မြစ်ကြီးနားလေတပ်၊ မိတ္တီလာလေတပ် tipawl an si tiah theih a si.
