Mipi ralkap theih ṭul zet mi ‘Khuapi Humkham Raldo Dan” cabu ropi a suak
Atufang ramsung kahdonak ah siseh hmailam caan hrang kan theih ṭul zetmi khuapi humkham raldo dan “THE MINI-MANUAL FOR THE URBAN DEFENDER (A GUIDE TO THE STRATEGIES AND TACTICS OF DEFENDING A CITY)” timi cabu ropi cu kawl ṭong in letsuak a si ih, paisa pek ṭul lo, a lak rorin internet cahmai ah lak theih a si.
Original cabu ngantu cu colh la zo U.S. Army Major John Spencer a si ih amah hi fimthiamnak lam zirsang a si hlei ah hmuhtonnak tampi neizotu a si. CNN, BBC, CBS, NewYork Times, WSJ, Washington Post … tipawl telin leitlun rintlak thuthang pawl ah Ral do thawn pehparmi a ca ngan hmuh ding a tam zet zo.
Kan dung kum, Russia in Ukraine a luhcilh pek ah Russia ralkap kham dan ding cipciar pawl cu Twitter ihsin Ukraine pawl a zirh dah hai ih cuih ṭum ah ralkap pawl in hlawknak tampi an hmu phah.
Tufang ah Modern War Institute ah urban warfare studies chairman si phah in, California State Guard colonel ṭuan rero lai a si. US ralkap hrang mithupi pakhat a si ih cabu a suah zo mi 3 pawl cu ṭong phun dangdang ah let betin Ukraine ah siseh, leitlun ram dangdang ralbuai nak pawl ah hman ṭangkai zetmi ralkap kutkai cabu an si.
Atu, Kawl ṭong thawn an let mi cabu khal hi Kawlṭong telin ṭong phun 13 ah letsuak a si zo ih Ukraine ram lawng ah uk ting khat lenglo tlangzarh zo mi a si.
Kawl ṭong thawn let mi “THE MINI-MANUAL FOR THE URBAN DEFENDER” cabu ah Tank le raldo mawṭaw tlasamnak, kah do dan, Raldo Vanzam le Drone do dan, Ambush tuah dan, Ral do lai tidai thiang in a ṭul dan, mipi humkham dan tipawl telin ralkap theih tengteng ṭulmi thuhlapi tampi a tel ih bungcang 20 hrawng le cahmai 100 luan fang a si.
Amah theihpitnak thawn let mi cabu lak duh hrangah hinah hmet …. Kawl ṭong , Mirang ṭong
