Khamawknak um cingin Aizawl Khualaili ah Duhphorh
SAC Ralhraang in thuneihnak a la mi kum 2 kim cam le Mizoram cozah siseh, khawtlang pawlkom le mipi pawl Kawlram raltlan par ih an ṭhat nak theih sak lungawinak langter nakah ti`n February 4 ah Aizawl ih um Kawlrammi malte cu khualaili ah duhphorhnak an tuah tiah theih a si.
Mizo mipi hnen lungawi thusimnak caken thawn poksuaktu upa pakhat cun “kan lungawi Mizoram, raltlan pawl lamzawh ding kan si nan cozahpi nih in kham ruangah ṭhulh sal a si.”
“An ṭhulh timi thei ve lo tu kan nih cu kan va pok ko. Lungawinak kan lang ter mi cu a poi ding zum a um lo” tiah a ti.
Duhphorh lamzawhnak hi Aizawl ih um Kawlram raltlan tampi feh tlang in February 4 zinglam 7 ihsin 9 tiang aw-suak-lo lamzawhnak neih tum mi a si nan February 3 ah India central cozah lam ihsin khamnak thu an dong ruangah an ṭhluh sal mi a si.
India cozah in a ramsung um Kawlram raltlan duhphorhnak nei tum mi hi voi 2 – 3 a kham zo ih, kandung February 1 khalah Delhi khualipi ah ralhraang ralkap dem in NUG dinpit lamzawhnak tuah tum a si nan an poksuak hlan ah India Central cozah in a ṭhulh ter sal tiah theih a si.
