CRCDF in Khawtlang mipi hrang Tlawmngai pawl sunloih upatnak a hlan

Chin Relief-rehabilitation and Community Development Foundation (CRCDF) pawlkom cun kum 2022 hrang tlawmngai hleice pawl sunloih upatnak a hlan.

CRCDF in sunloih upat a pe mi Tlawmngaitu pawl cu :

1. Pu Cung Uk Peng @ Peng Bawi (Kum 1 sung rori Tikcu, neihsiah le thazaang suah in mawtaw thawn Falam khuasung hnawm hlon saktu),

2. Pu Rual Tei (Falam khuasung thianfainak dingah lamzin sial, thlanmual Kiangkap vaat, hnawm sar tipawl mah lungtho te’n tuah ringring tu),

3. Pu Za Nei Ceu (Mithi um tinten man loin a kutzung thiamnak thawn Thinglamtah parih CA ngan saktu),

4. Pu Sum Luai (Mithi um tinten man loin a kutzung thiamnak thawn Thinglamtah parih CA ngan saktu),

5. Falam Mobile Clinic Team (2022 kum sungah Laikhua hmun 10 ah feh in minaa 1700 lenglo man loin harhdam zohkhen saktu),

6. Falam Township IDPs Management Team – FTIMT (2022 kum sungah Falam peng sungih ralkian mipum 30000 lenglo inntek tuanvo laak in tlawmngaitu) tipawl an si ih, kan kiangkap ih um rannung ṭilva zohkhen an ṭul zia hngilh lo nak diangah CRCDF cun a ratu pawl hnen ah Vate inn 60 lenglo laksawng an pe cih tiah theih a si.