Chin raltlan hrang Thuthang Ṭha ….

“Welcome Corps” tiih hminpekmi US President Biden admin hmalaknak thar tuah sin mi cun Leitlunhuap raltlan hrang ruahsannak thar a suak tir.

Cuih program cu Biden admin in leitlunhuap raltlan hrang an ram ah beu thei nak ding lamzin a sial sak mi a si ih, US rammi sinak nei zotu lole US ram ah permanent um thei nak nei zo tu bulpak mimal sponsor nak thawn raltlan koh theih a si thlang ding.

Hih program ih tel thei dingin US cozah hnen ah dil hmasa a ṭul. US rammi sinak neizotu lole permanent um thei nak neitu amalbik mi 5 komaw in Cozah hnen ah dil hmasa ding a si ih an koh dingmi raltlan US ram a thlen tikah an mah ten an todelhaw thei hlan sung kan zoh khen thei ding timi kha sumsaw zawngin siseh ziangtin an zoh khen tum timi pawl kha US cozah hnen ah an sim hmasa a ṭul.

Cumi siannak an ngah hnu ah raltlan bulpak lole innsang an ko thei dingih an koh mi US ram an thlen hnu ni 90 sung an in-ei ding, siivai zeizong an ṭul mi pawl zate cu an mah in tawlrelsak a si ding.

“Welcome Corps” website tarlang dan ah raltlan ko tu ding private sponsors hi 10,000 cohlan tum a si ih atu voikhatnak, hmasabik kum ah raltlan 5,000 an cohlang tum a si.

Himivek program hi Canada cozah khalin a hmangnak a rak rei phah zo ih hih program hnuai ihsin ram dang thleng Chin mi khal an um hnih thum zo hlei ah India ram um Chin raltlan lak ah Canada feh dingin India cozah siannak hngak rerotu khal an um hnih thum a si.

Amah belte hih program thawn ramdang koh duh mi cu UN card lole raltlan a si ti theihpitnak caken neitu a si a ṭul.

Hinah kim ciang in na siar thei “welcomecorps

Leave a Reply

Your email address will not be published.