Zualko : Delhi ih Chin raltlan thlengthar mipakhat in Mual in liam san

Kum 43 mi Chin raltlan Cing Seih Lun cu May 11 ah a umnak inn Delhi, Hastsal veng ah a nau le 4 tanta in mual a liam tiah theih a si.

Amah hi Myanmar ram in raltlan dinhmun in India, Manipur thleng dingah a nau le 4 thawn ni 15 sung rori Ke ih khualtlawng an si ih harsa zetin Delhi an thlen nak karhnih hrawng fang a si.

Zomi (Tedim) community hruaitu pakhat cun “beiseinak tumpi thawn Delhi thleng pek an si. Damlonak nei hman sehla a nuale donhar ding phangah a sim hai siang lo. Cutin, May 11 zingah itthatlan in Heart attack thawn in thih san a si” a ti.

Delhi ih FGAG kohhran in inn luah ding tawlrel sakin an umnak inn man thla 1 hrang an pek sak cia zo nan, Delhi Covid boruak thawn, inn neitu te lam in inn suahsan dingin inn man khal an khirh thluh sal tikhalin Zomi hruaitu cun a sim hrih.

Anaule tleirawl 4 cu kohhran biakinn lam ah um lawk dingin tawlrelsak an si ih, an duhdawtzetmi an uu Cing Seih Lun ruak cu Alpha & Omega thlanmual ah vui liam a si zo thu tawlreltu Mizo Welfare hnen ihsin theih a si.

Leave a Reply

Your email address will not be published. Required fields are marked *