ZRA ralkap in CNA hmunram kilnak an siim, CNA ralkap pakhat nunnak liam

Chin ramkulh, Tedim peng, India-Myanmar ramri ah Chin ralkap CNA le ZRA ralkap pawl nazi khuai hrawng an doaw.

March 23, zaanlam nazi 6 luan hrawngin nazi 7 tiang an kapaw ih doawknak ah CNA ralkap Salai Tuan Peng Lian in ram le miphun hrang nunnak a hlan tiah theih a si.

Tualsungum thuthang ṭhenkhat tarlangdan ah rinlopin ZRA ralkap pawl in CNA hmunram kilnak an siim ti a si.

CNA hmunram siimtu ZRA ralkap pawl cu thazaang 20 hrawng an si ih sanman meithal phunphun an hmang tiah tualsungum pawl in an sim.

CNA le ZRA ralkap cu kan dung 2021 kum cem lam khalah Dothlengnak thawn pehparin nasaten an rak kap aw dah zo.

Cuih ṭum doawknak thu ah ZRA in phuba kan la ding tiah thu an suah dah ih, tuṭum doawknak khalcu tuhlan ih thil thleng thawn a pehpar ding tiah ruah a si.

Atu ca kan ngan tiang ah CNA lam khalin siseh ZRA lam khalin doawk thu thawn pehparin thusuah zianghman an nei hrih lo.

Leave a Reply

Your email address will not be published. Required fields are marked *