ZRA in Mipi ralkap zaten ralrin an pe

Zomi Revolution Army (Eastern Command) in SAC ralhraang Tlawng on ding cu zabawngin a hmuak ih, Zomi ram ih um harhdamzung siseh, Tlawnginn le siikhaan, Siizung tvk siatsuahtu cu ralhraang an si ti`n phuangin hremnak kan pe ding tiah thu an suah.

May 30 nikhenmi ZRA thusuah cu cang 3 in tarlang a si ih pakhatnak ah rampumhuap Tlawng pawl on an si ding mi cu santhar nonawn hrangah le rampi remdaih ṭhansonak hrang ruatin Zomi Political Coordination Committee le Zomi Revolution Army in ruahsannak tumpi thawn a ṭha zawngin kan hmu tiah an tarlang.

Pahnihnak ah Tlawngkai tuding, abikin Zomi ram ih Tlawngta nauhak pawl cu mipi hmakhua hrang arsi tleu an si bangin kum 2 rori Tlawng phit a si hnu, an on sal tikah fimzirnak thlahthlam loin Tlawng kai cio diangah forhfialnak kan nei ti`n an tarlang hrih.

Pathumnak ah Zogam ram sungih harhdamzung siseh, Fimzirnak le Siizung tivek siatsuahtu lole kahdonak tuahtu zaten ralhraang ah phuan an si ding. Tlawng saya/ma le cozah hnaṭuan pawl hnaihnok lole hringhronak tuahtu pawl khal ralhraang ah phuan an si dingih SAC cozah thawn hmalaknak kan nei ding tiah an tarlang bet hrih.

Cuhleiah, aṭul ahcun leitlunpi thuṭhenzung tiang thlenin hmalaknak kan nei ding ti`n ZRA thusuahmi ah an ngan tel.

Zomi Revolution Army cu SAC Ralhraang thawn hnaṭuantlang an si ruangah le Dothlengnak hnaihnoktu an si ruangah ralhraang ah kan phuang ti`n Chinram hriamkai komkhawm in thusuahnak an nei dah zo a si.

Leave a Reply

Your email address will not be published. Required fields are marked *