Zomi Federal Union in hmailam Kekar danding Mipi sim thei

Zomi Federal Union cun 2021, April 29 ni khen mi ca suah in hmailam Kekar tum dan mipi hnen ah simtheinak an nei.

Theihternak ca suahmi ahcun “Zomi Federal Union cun theihternak kan suah cia mi bangin hnget zetin dingin hmalaknak kan nei rero.”

“Zomi Federal Union hmuitinmi hluhsuahthei dingin Committee Representing Chin State Hluttaw – CRCH siseh, Interim Chin National Consultative Council – ICNCC siseh, Ministry of Defense – MOD, National Unity Government – NUG thawn khal hmasabiknak hmuhton thureltlangnak kan nei zo.”

“Mipi ih kan beiseibikmi Federal Democracy hrambun rampi dinsuahthei dingin kan unau tlangparmi pawlkom thawn ṭuan tlangin hmailam khalah hmalaknak kan nei vivo ding a si” tiah mipi theihternak ca an suah.

Zomi Federal Union cu Tonzang, Tedim, Kalaymyo mino hruaitu tongkhawmaw in 2021, March 30 ih dinsuahmi pawlkom a si ih, tumtah hmuitinmi cu

1. Ralkap ukhruainak titawp ding….

2. Daan loih kaihkhih tuar rampi hruaitu le kaihkhih tuar tlangpar mipi luat nak ding….

3. 2008 Daanhrampi ṭhiatbal in Federal Democracy hrambunmi ukhruainak tisuak ding, hram bun hnget ding…

4. Zomi thawn pehparin mipi pianvo humhim in ukhruainak hrang hmalak ding….

5. CRPH thawn Federal Democracy hrang hmalaknak neitu tlangpar hriamhrei keng pawl thawn kutzakai in Federal Democracy hrambunmi ram le ralkap cangsuak theiding hrang thatho zetin hmalaknak nei vivo ding …. tipawl an si.

Leave a Reply

Your email address will not be published. Required fields are marked *