Zinghnam kua tiang Electric vang ding ka timi cu – Pu No Than Kap

Ramkhel CNLD thleithlak chairman Pu No Than Kap in 2010 kum campaign ṭum ah “in hriltlin asile zinghnam kua tiang Electric vang dingin ka buaipi ding” tiah, Taungzalat ih thu a rak sim lai ah a rel dah.

Cuih thuthawn pehpar in kum 10 luan hnu khalah theithiamlotu mipi an um lai ruangah Pu No Than Kap cun theifiang puppi dingin simfiahnak a nei.

“Zo hmanin zinghnam kua ah Electric van thu a um lo ti zapi theih a si. Zinghnam kua tiang Electric van a si ding timi cu “Electric haidaih le hnianghnar zetin ngah a si ding” tin Mirang ih “metaphorical expression” timi (sim duhmi fiang thei dingin) uar hrim ih tahṭhimnak thawn sim mi a si.”

Hivek Metaphor hmangin Jesuh in “Milian vanram lut ding hnakin kalauk ṭhimte kua ih lut a ol sawn (Matt.19:24)” tin a sim tikah Kalauk ṭhimte kua ih lut taktak thu a sim Duh mi a si lo, milian hrangah vanram lut a harsat dan uarzet in a simmi a si.

Pupa thufim ah “Mi aâ ṭong ah khua a to,” ti bangin, ka sim vekin CAM ka ṭuan sung (ka term sung) February 15, 2016 ah National Grid (maha dat â) cu Kalemyo a thleng. Haidaihze in Electric van theih in a um. Pathian a tha” tiah, Pu No Than Kap in a mai` bulpak Facebook cahmai ah a tarlang.

Leave a Reply

Your email address will not be published. Required fields are marked *