Ziangruangah Falam ah NLD a cak – Dr. Run Bik

Tui ṭum hrilawkpi ah Falam le Chin ram ah NLD cu zum hnakin a rung cak. Ziang ruangah ha ke?

1. Aung San Suh Kyi le NLD party pi ruangah a si. Mipi in Suh Kyi lawng hi ralkap neh ding le federal democracy i in hruai thei tu a si timi an thei. Falam peng Laimi hi Kawl rawn Laimi hnakin theihkauhnak ah kan sang sawn. Falam peng inn 30 umnak Lai khawte mi pawl hin Falam an pehtlaih ruangah Kawl rawn ih lai khua innkhi 400 umnak sisi Kalamyo peh tlaih lo hnak cun an thei tam sawn.

2. CM Salai Lian Luai hin tlinlonak cu a nei ve nan a hnaṭuan tam mi in a tlin pi lo nak cu a khuh thluh. Cui tlunah NLD cun campaign fund ah Ks ting 400 a nei.

3. Pu No Than Kap Mipi in an rinsan thei hrih lo. Kum 2016 ah USA i ra tlawng Evan. Ezra Lal Nei Thang in ‘Ka pu Run, Pu Than hi politic ah a thosal thei ke maw’ i ti. Kei in hitin ka sang….

(a) Mi ih an hmuh siat mi pawl i zaṭek 70% tal remaw seh. Thuṭhimnak ah a thu rel sia ti pawl a kawk i a hro tivek a bansan a tha. Ziaza remaw ding in amah duhdawttu pawl in an sim ngam a ṭul.

(b) Khai`, kum 2016 ihsin Laitlang le Kalay valley ah kum khat ah thla 3 tal Lai khawte pawl ah a tlawng ciamco kei` thu a sim ding. Aṭulnak ah ngaihdam a dil ding. Mi Farah damlo pawl Ks.thong hnih thong thum a bawm vivo ding.

(c)Hivek i ṭuan zet in ṭanla ding cun Ks ting 50 tal a rak hman lawk a tul ding. Pu Than hi a tar siat hrih lo. Hmailam hrilawknak hmanah kum 70 lai lawng a si lai ding. Malaysia i PM hlun Mahathir Mohamad tla kum 93 ah PM a ṭuan sal a si kha. Val hi ti ding a si mai.

4.CNLD pawl i NLD lam online i an nautat zawk rero kha an hrang hman ah a rak ṭha lo sawn. Kawl sal ti vek miphun phatsan titi vek kha.

5.CNLD pawl i thuneihnak co ding cun Mipi huat mi ralkap le USDP kop mai an ello mi hin mipi duhnak an co lo phah…

Cangantu – Dr. Run Bik

Leave a Reply

Your email address will not be published. Required fields are marked *